Tabakalerako Komunikazio eta Ikus-entzunezko departamentuetako kideek, UPV/EHUko Ikus-entzunezko komunikazio eta Publizitate departamentuko irakasleen iritziarekin bat etorriz, bi erakundeek elkarlanean garatutako proiektuaren sari nagusia
“Todo conectado” bideoari ematea ebatzi dute. Lan horren egileak
Eider Ruiz, Jon Santamaría, Sara Sagarna, Ana Serna, Leyre Cotilla eta Maite Romero dira.
Sari nagusia aipatu lanari emateko arrazoiak bere aberastasun kontzeptuala eta kontzeptu horiek islatzeko orduan erabilitako baliabide formal, irudimentsu eta trebeak izan dira.
Sariaren zenbatekoa 600 eurokoa izango da.
Tabakalerak aipamen berezi bat ere egin nahi dio, kasu honetan ere aipatu irakasleekin bat etorriz,
“Soy arte para ti” bideoari, egindako esfortzu handiagatik eta egileen irudimenagatik.
Azkenik, talde guztiei eskerrak eman nahi dizkiegu aurkeztutako lanengatik, argi erakusten baitute proiektuan parte hartu duten guztien sortze-ahalmena eta trebakuntza maila.
Donostia, 2010eko maiatzak 21
