Erin Sexton, Alexander Wilson + Loty Negarti
Uztailaren 19an izango da, arratsaldeko 19:00etan, Artelekuko ekitaldi aretoan.
Erin Sexton soinu artista eta inprobisatzaileak mugekin egiten du lan, bidean topatzen duen prozesu oro desarmatuz eta askotan kontrako muturrean bukatuz. Tablak, oszilatzaileak, azalera amplifikatuak, onda elektromagnetikoak jasotzen dituzten kable saltsak... langai hauekin Sextonek esperientzia gordin eta sublimeak sortzen ditu, bapatekotasunetik abiatu eta handik urrutira joz.
Alexander Wilson Kanadako Montreal hirian bizi den multimedia artista, performerra, musikaria, antzerki zuzendaria eta teorikoa da. Bere lana auto-antolakuntza prozesuetan, eboluzioan, kaosean, esanahietan eta alor farmakologikoan oinarritzen da. Musika elektro-akustikoa konposatzen du eta bideo esperimentalak, multimedia lanak, obra interaktiboak nahiz arkitektura instalazioak ekoizten ditu. Antzerki lanak ere zuzentzen ditu, Parabolik Guerilla Theatre taldeko ko-sortzaile da eta konpainia honekin hainbat lan esperimental sortu ditu.
Ænth Sexton eta Wilsonek elkalanean garatutako lana da. Sextonen zirkuitu kaotikoek Wilsonen algoritmo korapilatsuekin topo egiten dute. Euren performanceek fluxu kuantikoaren misterioak eta denboran barnako bidaiak arakatzen dituzte, entzulea Ænth dimentsiora eramanez.
