Aurreko edizioetako esperientzia errepikatu nahian Tabakalerak eta Eusko Ikaskuntzaren Asmoz Fundazioak, Javier Leiva Aguilerak zuzenduriko Informazioaren Kudeatzailea eta Bitartekaria ikastaroaren 3. edizioa abiarazi dute.
Ikastaroa 2012ko martxoaren 5ean hasi eta 2012ko ekainaren 22ra bitartean egingo da eta beren jakintza alorrean bitarteko lanak egitera bideratu nahi duten edozein alorretako profesionalei zuzenduta dago. Birziklatu eta beren ogibideari bultzada emateko asmoa duten liburuzainak eta informazioaren kudeatzaileak barne daudelarik. Gaur egun, arlo orotan behar dira informazioa eta pertsonak elkarrengana gerturatuko dituzten profesionalak. “Informazioaren kudeatzailea eta bitartekaria” ikastaroan behar horri edozein formatu eta eremutan erantzuteko trebakuntza eskaintzen da. Unean-uneko informazioaren ikerketa, bilaketa, komunikazioa eta hedapenean adituak sortzea da helburua.
Iraupena: 125 ordu. 2012ko martxoaren 5ean hasi eta ekainaren 22an amaitu
Ikaskuntza eredua: e-learning, aurrez aurreko hiru saiorekin indartua.
Aurrez aurreko lehen saioa datorren martxoaren 19an izango da, astelehenarekin, eta interesa duen ororentzat zabalik egongo da:
Hitzaldia:
"Aro berria Modu berria", Koldo Saratxagaren eskutik
Nola txertatu berrikuntza prozesuak liburutegietan eta antzeko erakundeetan: lan egiteko moduan, erabiltzaileekin harremanetan, zerbitzuen definizioa, etab.
Lekua: Koldo Mitxelenako ekitaldi aretoa
Ordutegia: 18:30 - 21:00
Hizkuntza: gaztelania
